Sabon shugaban Iran, Masoud Pezeishkian, ya yi jawabi a taron MDD na shekara-shekara a birnin New York, inda ya jaddada matsalolin da ke fuskantar yankin Gabas ta Tsakiya.
Mista Pezeishkian ya caccaki Isra’ila bisa zargin ta da tayar da hankali a yankin, tare da Allah wadai da laifukan da suka shafi hakkin bil adama a Gaza da kuma ayyukan ta’addanci a Lebanon. Wannan jawabi ya nuna damuwa game da tasirin rikice-rikicen da ke ci gaba da shafar zaman lafiya a yankin.
Duk da rashin kyakkyawar alaƙa tsakanin Iran da manyan ƙasashe, Mista Pezeishkian ya bayyana cewa ƙasar tana shirye don kawo ƙarshen gumurzu da ƙasashen yammaci ke yi da ita kan shirin nukiliya. Ya jaddada cewa gwamnatinsa ba ta da niyyar sabawa ko rikici da kowacce ƙasa.
Shugaban hukumar kula da harokin Nukilliya a MDD ya bayyana fatan ziyartar Teheran a farkon watan Oktoba domin tattaunawa kan shirin nukiliyar Iran, abin da ke nuna kokarin da ake yi na dawo da tattaunawa kan wannan muhimmin batu.
Wannan jawabi na Mista Pezeishkian ya jawo hankali game da yanayin siyasar duniya da kuma tasirin da ke tattare da harkokin nukiliya a yankin.
